Ako'y abang makata

AKO'Y ABANG MAKATA

ako'y abang makata

tinutula'y pangmadla

para sa kapwa dukha

at uring manggagawa

adhika'y ilarawan

ang adhika sa bayan

na sa pamamagitan

ng sukat at tugmaan

ay maitataguyod

ang saknong at taludtod

na kinakathang lugod

bagamat walang sahod

makatang kapitbisig

sa dukhang di palupig

na marunong tumindig

sa wasto't nakikinig

tulad ng pangangahas

maitayo ang patas

at lipunang parehas

na puso ang nag-atas

- gregoriovbituinjr.

05.16.2024