PAALAM, CARLO
nabalitaan ko roon sa socmed
na namatay si Carlo J. Caparas
habang si Carlo Paalam ang hatid
ay dangal sa boksing sa labang patas
dalawang Carlo silang hinangaan
na nagkasabay minsan sa balita
ang isa sa kanila'y namaalam
at ang isa'y sa laban naghahanda
di ko sadyang mapitik sa kamera
ang dalawang Carlo sa isang ulat
nagawa ko'y maghandog sa kanila
ng tulang sa puso'y isiniwalat
paalam, Direk Carlo J. Caparas
mga nagawa mo'y di mapaparam
at sa boksingerong palos sa dulas
mabuhay ka, boxer Carlo Paalam
- gregoriovbituinjr.
06.03.2024
* ulat noong huling linggo ng Mayo 2024
Walang komento:
Mag-post ng isang Komento